صاحبة هذه التجربة
Emo
Emo
راح اقول تجربتي وبكل صراحه والله العظيم مااكذب في اي شي انا احياناً كثير قبل ماانام انام فتره معينه بعدها اصحى فجأه بدون سبب وارجع انام واحس جسمي تعبان ومكسر اول ماادخل بالنوم احس ان فيه شي يشدني لمكان ثاني احس ان عقلي واعي انه حلم بس جسمي نايم تماماً ادخل جوا الحلم لدرجه مو معقوله انا مااحس بجسمي بس شايفه كل شي احس روحي قاعده تنسحب من جسمي احاول كثير اني اصحى لاني اخاف مررره اخاف ماكنت ادري وش يصير معايا بعدها سمعت بالاسقاط النجمي وقررت اقرا عنه .. للامانه اول شي ماصدقت بعدها بفتره رجعت لي نفس الحركه وقررت وانا برضو خايفه اني استسلم وادخل جوا الحلم كان الحلم في شارع وناس يركضون مع مدربه وفي بنت كبيره بنص الشارع كانت تشوفهم المهم قمت من الحلم كالعاده خايفه لما حسيت روحي تنسحب بعدها قلت راح ارجع اغمض عيوني وقررت اكون مكان البنت والله العظيم على طول لقيت نفسي اركض مع المجموعه لدرجة اني سمعت صوت المدريه بعدها خفت وحاولت اصحى الين قمت